Маратон · Полумаратон


22-ри Шри Чинмој маратон на себенадминување 2021

Традиционалниот 22-ри Шри Чинмој маратон на себенадминување ќе се одржи на 4-ти јули (недела) со почеток на маратонот во 6:00 часот и почеток на полумаратонот во 7:00 часот, со старт на трката на кејот на реката Вардар, Скопје – зад Владата до пешачкиот мост (локација). Организатор на настанот е Шри Чинмој Маратон Тим – Скопје.

Трки

Маратон – 42 195 м
Полумаратон – 21 097 м

Опис на патеката и настанот

Стартот на трката е на кејот на реката Вардар, Скопје – зад Владата до пешачкиот мост.
Патеката е полукружна (праволиниска во два правци) со должина од 5 км и се трчаат 4 круга (полумаратон) и 8 круга (маратон).

Мерењето на времето се врши електронски, со чипови.
Патеката е официјално потврдена, со што се обезбедени услови за официјално признавање на постигнатите резултати.

Победници се прогласуваат во апсолутна категорија, како и во категории по возраст, за прво, второ и трето место.
На сите учесници кои ќе го завршат маратонот или полумаратонот се доделува медал и онлајн диплома, а на победниците на прво, второ и трето место се доделува пехар, медал и диплома.

Резултати и фотографии од настанот ќе бидат објавени веднаш по одржувањето на настанот, на веб-страницата на организаторот, www.maraton.mk

Освежување

За време на трката учесниците добиваат освежување со вода, сокови и овошје, а по завршувањето на трката добиваат пакет со оброк.

Стартни пакети

Стартните пакети се подигнуваат во продавницата за спортска опрема „Аутдор“ („Outdoor“), новолоцирана на ул. „Никола Тесла“ бр. 9а/1 (во близина на „Јоу Café & Bakery“), населба Карпош, во следните термини:

петок, 2.7.2021, од 12:00 до 18:00 часот
сабота, 3.7.2021, од 12:00 до 16:00 часот

Временско ограничување

Временското ограничување на маратонот e 5 часа.

Котизација

Пријавувањето трае до 30.6.2021 (среда), 23:59 часот. Котизација за двете трки изнесува 450 денари.

Дополнително можете да нарачате dry-fit маица со логото на маратонот за 600 денари. Нарачката на маици завршува на 25.6.2021 во 23:59 часот. По овие рокови пријавување/нарачка не е можна.

Претходно пријавени учесници

Сите претходно пријавени учесници за 22-риот Шри Чинмој маратон на себенадминување во октомври 2020 и април 2021, не треба да се пријавуваат повторно. Истите се веќе регистрирани како учесници. Учесниците што се имаат пријавено, а сепак нема да учествуваат на оваа трка, можат да ја искористат пријавата за нашиот следен маратон. Веќе уплатените средства не се рефундираат.

Напомена!

Трката ќе се одвива според протоколот пропишан од Министерството за здравство, за организирање на настан од ваков тип во услови на пандемија на КОВИД-19. Максималниот број на тркачи е ограничен.
Тркачите се должни да се пријават на стартното место половина час пред почетокот на трката, поради мерење на температура и следење на протоколот. Тркачите ќе стартуваат во групи од 4-5 тркачи на секои 5 секунди.

Напомена!

Во рамките на настанот ќе се одржи и Државното првенство во полумаратон.
Учесниците на државното првенство може да се пријават единствено преку Атлетската федерација на Македонија.


„Одлучноста во твоите херојски подвизи
ќе проникне во твоето срце и ум,
долго откако твојот успех или неуспех
ќе биде одамна заборавен.“

– Шри Чинмој